Олоҥхо дьыктаанынан сахалыы суруйуугун тургут!

 

Олоҥхо национальнай күнүгэр аналлаах Өрөспүүбүлүкэтээҕи Декада чэрчитинэн, ийэ тыл барҕа баайын иҥэриммит олоҥхо тылын-өһүн таба суруйар үөрүйэҕи олохсутар-иҥэрэр сыаллаах «Олоҥхо дьыктаана» аахсыйа ыытыллар.

Аахсыйаҕа сааһыттан, идэтиттэн уонна үөрэҕиттэн тутулуга суох баҕалаах барыта кыттыан сөп. Дьыктааны суруйууну улахан дьоҥҥо – библиотека үлэһиттэрэ, үөрэнээччилэргэ, устудьуоннарга – сөптөөх үөрэх, култуура тэрилтэлэрэ тэрийэллэр.

  • Олоҥхо дьыктаанын тэрийии балаһыанньата

Ыытыллар кэмэ: 2019 с., сэтинньи 24-30 күннэрэ.

Ыытыллар сирэ: Өрөспүүбүлүкэ бүттүүнүн үрдүнэн.

Дьокуускай куорат олохтоохторугар дьыктаан сэтинньи 24 күнүгэр 10 чаастан СӨ Национальнай библиотекатын 4-с этээһигэр, 1-2 №№-дээх ааҕар саалаларга ыытыллыаҕа (Ленин проспега, 40).

Бары кыттааччыларга туоhу сурук (сертификат) туттарыллыаҕа.

Туйгун билиилээх кыттааччылар, бастыҥ көрдөрүүлээх улуустар (I-III миэстэлэр) ахсынньы 10 күнүгэр "Olonkho.info" портал «Олоҥхо дьыктаана» балаһатыгар биллэриллиэхтэрэ, дипломунан бэлиэтэниэхтэрэ.

Кэлиҥ, кыттыҥ, олоҥхо тылын-өһүн төһө билэргитин, төһө сөпкө суруйаргытын бэрэбиэркэлэниҥ!

Тэрийээччилэр: М.К. Аммосов аатынан ХИФУ Олоҥхону чинчийэр научнай института, Саха Өрөспүүбүлүкэтин Национальнай библиотеката, Саха Өрөспүүбүлүкэтин Олоҥхо Ассоциацията. Билс.төл.: 8(4112)49-68-83, 8(4112)32-09-41